Ultrasit e PSG paralajmërojnë Neymarin: Do ta kesh të vështirë… - Bota Sot
Ultrasit e PSG paralajmërojnë Neymarin: Do ta kesh të vështirë…

Futboll

Ultrasit e PSG paralajmërojnë Neymarin: Do ta kesh të vështirë…

Më: 14 shtator 2019 Në ora: 11:47
Neymar

Përpara rikthimit të shumëpritur të Neymar në fushë për Paris Saint-Germain, ‘Collectif Ultras Paris’ ka lëshuar një deklaratë nga grupet e mbështetësve duke paralajmëruar yllin e Brazilit se ai duhet të jetë në sjelljen e tij më të mirë për të fituar përsëri besimin e tifozëve.   

Neymar kaloi pjesën më të madhe të verës duke bërë presion për një rikthim në Spanjë, duke u rikthyer me vonesë për stërvitjet para-sezonale dhe duke u përpjekur për të detyruar një transferim për shkak të komenteve që bëri nëpër medie ai dhe rrethi i tij.

Për shembull, kur u pyet për momentet e tij të preferuara në futboll, ai përmendi ‘remontadën’ e famshme të Barcelonës kundër PSG, transmeton lajmi.net.

Në një deklaratë, tifozët besnik të ekipit francez ‘Collectif Ultras Paris’ shkruan: “Në një kuptim futbollistik, Neymar është një nga lojtarët më të mëdhenj të brezit të tij, por kjo është larg nga gjëja më e rëndësishme për ne sot. Ajo që ne e qortojmë për të është mosrespekti në disa raste drejt klubit tonë, madje poshtërimi herë pas here”.

“Ai ka vendosur një strategji katastrofike të komunikimit për të detyruar një kalim te Barcelona, një nga rivalët tanë kryesorë evropianë, duke e lënë ambientin e tij të flasë në vendin e tij … përveç kur bëhet fjalë për të diskutuar kujtimet e tij më të mira!”.

“Në një kohë kur ai nuk ka bërë asnjë deklaratë publike, e lëre më një falje, ai së shpejti do të kthehet në fushën e Parc des Princes tonë, dhe ne jemi legjitimisht më shumë sesa skeptikë ndaj tij duke luajtur një sezon tjetër në fanellën tonë”.

“Virage Auteuil, në të cilën grupohen mbështetësit më besnikë të klubit, ka për detyrë t’i tregojnë atij se të gjitha veprimet e tij nuk mund të jenë pa pasoja. Prandaj, ne i ftojmë të gjithë mbështetësit parizianë që janë ndjerë të lënduar në një moment ose në një tjetër, për t’i treguar atij se ai nuk ka më të drejtë të bëjë gabime dhe rruga e pajtimit do të jetë e gjatë… shumë e gjatë dhe e vështirë. Është e padiskutueshme që ne do të penalizojmë skuadrën për shkak të një lojtari të vetëm”, thuhej në deklaratën e tyre.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...