Sulmuesi nga Kosova, Albert Bunjaku, ish reprezentuesi i Zvicrës, është në formën më të mirë, duke dhënë kontribut të madh në fanellën e Viktoria Koln.
Bunjaku luajti titullar dhe sërish shënon për fitoren në udhëtim me rezultat 3:2 kundër Preussen Munster, në ndeshjen e javës së tetë të Bundesliga III. Në minutën e 72-të Bunjaku thelloi epërsinë në 0:3, për të cilin ishte goli i tetë në tetë takimet e deritashme.
Bunjaku së bashku me Moritz Stoppelkampin e Duisburgut udhëheqin listën e shënuesve me nga tetë gola.
Për vendasit shënuan: Dadashov (78') e Morschel (87') dhe për mysafirët: Wunderlich (8' e 18') dhe Bunjaku (72'). Braunschweig kryeson me 18 pikë, ndërsa VIktoria është në pozitën e dytë me 16 dhe Munster i 14-ti me 8.