Liverpool po synon ‘blindimin’ e Sadio Mane.
Sadio Mane është një nga lojtarët më të mirë të Liverpool në tri edicionet e fundit, dhe ‘Reds’ nuk duan ta humbin lojtarin.
‘Daily Star’ raporton se skuadra nga ‘Anfield’ ka nisur bisedimet me lojtarin për të arritur marrëveshje për rinovimin e kontratës.
Kontrata aktuale e Mane është valide deri në vitin 2023, por ai mund të nënshkruajë një kontratë më të gjatë, me rritje page.
Lojtari gjatë verës ka nxitur edhe interesimin e Real Madrid, e këtë duhet pasur parasysh Liverpool, pasi ‘Los Blancos’ nuk dështojnë shpesh në tentimet e tyre për transferime.
Mbetet të shihet nëse Mane do të vë firmën në kontratën e re të propozuar nga ‘Reds’.