Flamurtari i Prishtinës ndali tri pikë të mëdha në “Xhemail Ibish”, duke i shkaktuar humbje me rezultat 2:0 skuadrës së Dukagjinit të Klinës.
Karakteristikë është te Dukagjini për faktin se për tri ndeshjet e deritashme nuk kanë shijuar fitore dhe aq me keq për 270 minuta sulmuesit e saj nuk e kanë gjetur as rrjetën e portave rivale.
Trajneri i Flamurtarit, Artim Shaqiri, padyshim se është i kënaqur me tri pikët e mëdha, ndërsa Dukagjini shpreson se do të këndellet në takimet e ardhshme. Golat për kryeqytetasit i kanë realizuar: Festim Krasniqi (10’) dhe Taloviq (25’).
Flamurtari është në pozitën e pestë me 7 pikë, ka dy me pak se lideri Drita dhe Gjilani që mban pozitën e dytë, ndërsa Dukagjini është në fund me një pikë, me goldallim negativ 0:6.