Sulmuesi i Kombëtares Shqiptare U-21, Armando Broja është shndërruar në një lider për Chelsean U-19, teksa ka shënuar një tjetër gol, në ndeshjen ndaj Valencias, e vlefshme për grupet e Champions Leagues për këtë grupmoshë.
Ballafaqimi ka përfunduar me rezultat 3:3.
Broja e nisi sfidën si titullar dhe arriti të shënojë golin e tretë të londinezëve në minutën e 61-të, duke i kaluar momentalisht në avantazh të tijtë, ndërsa më pas qëndroi në fushë deri në minutën e 92-të, kur trajneri bëri një zëvendësim taktik, për të fituar kohë.
Futbollisti Broja është një nga sulmuesit më premtues të Shqipërisë U-21, ku ndonëse është vetëm 18-vjeçar, ka fituar me meritë një vend në formacionin e Alban Bushit.