Talenti i rekordeve, ashtu ndoshta si edhe e ka mbiemrin: FATI! Po flasim për zbulimin më të madh të këtij sezoni te Barcelona, që më në fund është kthyer të shohë Akademinë dhe "La Masia"-n e famshme, ku dikur peshkonte më të mirët...
Anssumane "Ansu" Fati, sulmues krahu, datëlindja 2002, me origjinë nga Guinea-Bisau, së shpejti do të marrë nënshtetësinë spanjolle. Federata iberike është duke bërë çmos që kjo mundësi e artë të mos i ikë pa përfituar. Sipas "El Mundo Deportivos", së shpejti djaloshi do të udhëtojë me Spanjën U-17 në Botërorin e kësaj kategorie.
Ndeshjet do të luhen në Brazil nga data 26 tetor deri më 17 nëntor. Thuajse një muaj larg "Camp Nou", një mungesë që do ta detyronte të mungonte ndaj Real Madrid.
