Vedat Muriqi rrallëherë e ka gjetur veten jashtë kryetitujve në kohët e fundit, sidomos pasi u raportua se Tottenhami ka dërguar skautë për ta parë atë në “Fadil Vokrri” kundër Çekisë.
Raportet e mëtutjeshme potencuan se edhe Manchester Unitedi është duke e përcjellur situatën e 25-vjeçarit.
Sulmuesi gjigant u transferua te Fenerbahce pasi realizoi plot 17 gola për Rizesporin fushatën e kaluar dhe, sipas “Express”, Manchester United dhe Spurs janë duke e përcjellur vazhdimisht Muriqin, i cili shënoi në fitoren e Anglisë 5-3 kundër Kosovës.
West Hami është gjithashtu i interesuar, sipas “Sabah”.
Mbetet të shihet se cili klub do ta fitojë garën për shërbimet e tij.