Trajneri i Arsenalit, Unai Emery beson që ndeshja e parë në Evropa Ligë do të jetë më e vështira në grup.
“Topçinjtë”, në ndeshjen e parë për grupet e Evropa Ligës do të luajnë kundër Eintracht Frankfurt.
Emery e di kualitetin e klubit gjerman dhe beson që do të jetë ndeshje e mirë, transmeton KosovaPress.
“Jemi të gatshëm për lojën. Do të luajmë kundër një kundërshtari që ka arritur deri në gjysmëfinale sezonin e kaluar, aty ku u mposht nga Chelsea në penallti. Do të jetë ndeshje e vështirë. Kemi ndjenja të mira për këtë sezon. Arritëm sezonin e kaluar në finale ku humbëm, por është sfidë e re këtë sezon”, deklaroi ai.
Eintracht Frankfurt do të ndeshet sot kundër Arsenalit në orën 19:00.