Nëse Xavi nuk bëhet trajner i Barçës... - Bota Sot
Nëse Xavi nuk bëhet trajner i Barçës...

Futboll

Nëse Xavi nuk bëhet trajner i Barçës...

Më: 19 shtator 2019 Në ora: 15:04
Nëse Xavi nuk bëhet trajner i Barçës...

E ardhmja e Ernesto Valverdes në stolin e Barcelonës është vënë në pikëpyetje të madhe. Me shumë gjasa ky do të jetë sezoni i tij i fundit në stolin e skuadrës blaugrana ndërkohë që si pasues i Valverdes shikohet gjithnjë e më shumë ish-mesfushori legjendar i Barçës Xavi Hernandez i cili aktualisht është në hapat e tij të parë si trajner pasi ka vetëm pak kohë që ka lënë futbollin. Xavi është në drejt të skuadrës nga Katari Al Sadd dhe e ka çuar këtë ekip deri në gjysmëfinalet e Champions Leagues aziatike.

Janë të shumtë ata që mendojnë se Xavi mund të ketë një karrierë të ndritur me Barcelonën edhe si trajner dhe njëri prej tyre është ish-shoku i tij i skuadrës kamerunasi Samuel Eto’o. Ish-sulmuesi i Barçës në një intervistë është shprehur se Xavi e njeh shumë mirë filozofinë e lojës së blaugranave dhe mund të ndërtojë një cikël fitues.

“Ai është shumë i suksesshëm në Katar dhe në Spanjë”, ka thënë kamerunasi në një intervistë për Cadena Ser. “Nëse ai nuk bëhet trajner i Barcelonës në të ardhmen, do ta vras”, ka shtuar më tej Eto’o duke qeshur.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...