Kur i kujtohet viti 1991, nuk ka çare pa u emocionuar. Gushti i vitit 1991, i vapës tropikale dhe i kërcënimeve nga Serbia, por nuk e ndali Agim Bytyçin me shumë shokë, që ta formojnë Federatën e Futbollit të Republikës së Kosovës!
Viti 1991, një epokë e re frymonte në futbollin e Kosovës, nisi Kampionati i parë i pavarur i Kosovës.
Agim Bytyçi, prizrenasi që përkundër kërcënimeve të mëdha nga pushtuesi serb, mori timonin e presidentit të FFK-së.
Bytyçi është presidenti i parë i FFK-së, njeriu që sot kur kujton atëkohë vërtet edhe ka një mijë e një arsye që të emocionohet sepse ishte një lloj lufte sikur në front kundër pushtuesit serb, që kishte uzurpuar stadiumet dhe objektet sportive, e gjithçka në Kosovë.