U mbajt aktiviteti me fëmijë për shënimin e “Grassroots Week”

Futboll

U mbajt aktiviteti me fëmijë për shënimin e “Grassroots Week”

Më: 21 shtator 2019 Në ora: 16:14
Aktiviteti me fëmijë për shënimin e “Grassroots Week”

Federata e Futbollit e Kosovës, ashtu sikurse edhe anëtaret e tjera të UEFA-s, ka nisur aktivitetet e saj për të shënuar “Grassroots Week”.

Në fakt, në kuadër të programit të futbollit bazik “Grassroots”, të gjitha anëtaret e UEFA-s për çdo vit në muajin shtator mbajnë festivalin ‘Java e Grassroots’-it. 

Në shënim të kësaj jave, sot, FFK, nën përkujdesjen e menaxheres për ‘Grassroots’, Sanije Krasniqi dhe trajnerëve të këtij programi, ka organizuar aktivitet me fëmijët e shkollave të regjionit të Prishtinës në stadiumin e KF “Rilindja”.

Fëmijë të moshave të ndryshme janë argëtuar me lojën e futbollit, të ndarë në grupe, së bashku vajza e djem. 

Qëllimi i këtyre aktiviteteve është që futbolli të ketë ndikim në komunitet dhe të nxisë pjesëmarrjen e fëmijëve të të gjitha grupmoshave që të merren sa më shumë me sport dhe ta shijojnë lojën e bukur të futbollit. 

Aktivitetet e këtij lloji do të vazhdojnë edhe në të ardhmen, derisa stacioni i radhës do të jetë Mitrovica, ku lojën e futbollit do ta shijojnë fëmijët me nevoja të veçanta.

commentFirst article
Sot mund të lexoni Shfletoni kopertinat