Zinedine Zidane e ka etiketuar fitoren 1-0 të Real Madrid ndaj Sevilla si performancën më të mirë të skuadrës që kur u kthye si trajner në mars.
Goli i minutës së 64-të të Karim Benzemas bëri që ‘Los Blancos’ të merrnin të tre pikët në stadiumin ‘Ramon Sanchez Pizjuan’ dhe kështu të riktheheshin në maje të La Ligas.
“Së pari, unë jam i lumtur”, tha ai.
“Ne luajtëm një ndeshje të shkëlqyeshme për 90 minuta në një fushë të vështirë”.
“Më duhet të uroj të gjithë lojtarët e mi”.
“Është një fitore kolektive dhe unë jam i lumtur për të gjithë. Kjo ndeshje më ka kënaqur më shumë që kur u ktheva”, deklaroi tekniku francez.