Trajneri i Napolit, Carlo Ancelotti pranon që u munduan ta blejnë sulmuesin Mauro Icardi.
Sulmuesi i Interit u largua në ditën e fundit në formë huazimi te PSG.
Për këtë gjë ka folur edhe tekniku italian, transmeton KosovaPress.
“Kishim shumë mundësi dhe njëra ndër ta është Icardi. Për t’u transferuar një lojtar duhen disa gjëra të ndodhin. Klubi duhet ta bëjë të ndodh, ndërsa lojtari të këtë dëshirën për të ardhur. Nëse njëra nga to dështon, atëherë lojtari nuk vjen”, deklaroi ai.
Napoli këtë sezon është në vendin e tretë me 9 pikë, tri më pak se lideri Juventus.
