Simeone: Jemi duke punuar me Costan për ta forcuar atë

Futboll

Simeone: Jemi duke punuar me Costan për ta forcuar atë

Më: 24 shtator 2019 Në ora: 15:59
Diego Costa dhe Diego Simeone

Trajneri i Atletico Madridit, Diego Simeone ka pranuar që është duke punuar me sulmuesin Diego Costa, për ta rritur nivelin e tij.

Simone ka thënë se sulmuesi është shumë larg nga forma e tij e duhur për këtë sezon.

“Për një sulmues është vështirë nëse ka situata që nuk e lejojnë të shënoj. Jemi duke punuar me Diegon për të parë se ku duhet të forcohet. Është sfidë e rëndësishme që do t’i ndihmoj klubi shumë, duhet të gjejmë zgjidhje sa më të shpejtë”, deklaroi ai.

Simeone gjithashtu foli edhe për kampionatin spanjoll.

“La Liga është duke treguar se nuk ka ndeshje të lehtë për ndonjë klub dhe të gjithë jemi në rrugën e mirë”, përfundoi ai.

Atletico këtë sezon është në vendin e gjashtë me 10 pikë, një pikë më pak se lideri Athletic Club.

commentFirst article
Sot mund të lexoni Shfletoni kopertinat