Kili e mposhti Uruguain me rezultatin 5:3, në një ndeshje minifutbolli, ku një episod që ndodhi gjatë ndeshjes po bën xhiron e botës.
Një nga lojtarët e Kilit ka ndaluar një top në vijën e portës kundërshtare, për ta dërguar atë në rrjetë në një mënyrë të veçantë. Futbollisti e ndaloi topin dhe, më pas u ul për tokë për ta goditur atë me kokë dhe për ta dërguar në rrjetë.
Megjithatë kjo nuk i ka pëlqyer aspak futbollistëve të Uruguait, të cilët e kanë marrë këtë si një provokim në drejtim të tyre.
Meanwhile, in Chile v Uruguay at the 7-a-side World Cup ... pic.twitter.com/rTzDk5vE4s
— James Dart (@James_Dart) September 28, 2019
Menjëherë pas shënimit të golit uruguaianët janë nisur në drejtim të futbollistit që shënoi golin, për ta goditur. Lojtari i Kilit ia del të shpëtojë nga kjo edhe pse kundërshtarët e ndoqën atë për ta goditur.