Bayern Mynih ka marrë kreun e Bundesliga pas fitores 3-2 ndaj Paderborn në kampionat. Një fitore e vështirë e skuadrës kampione të Gjermanisë, që e ndërlikoi shumë këtë triumf jashtë fushe.
I pakënaqur trajneri Niko Kovac, që pas ndeshjes ka kritikuar skuadrën: “Jam i kënaqur vetëm me 3 pikët dhe kaq. Asgjë tjetër s’më pëlqeu. Paraqitja në fushë ishte zhgënjyese”.
“E ndërlikuam vetë fitoren tonë. Ishim gjithnjë në avantazh dhe më pas shpërdorojmë e bëjmë gabime. Duhej ta kishim mbyllur shumë më herët ndeshjen, por nuk i shfrytëzuam shanset tona”, tha Kovac.
Trajneri kroat paralajmëron skuadrën për të ardhmen: “Në raste të tjera mund të humbasim pikë nëse bëjmë paraqitje të tilla, që mund të na kushtojnë rëndë”.
