Sulmuesi Nicolas Pepe, ka treguar pse ka zgjedhur t’i bashkohet Arsenalit.
Trajneri i St Etienne, Christophe Galtier ka thënë gjatë verës së ylli i Bregut të Fildishtë, mund t’i bashkohet PSG-së ose Bayern Munich.
Por, në fund Pepe zgjodhi gjigantin anglez. Ai tha se është transferuar për shkak të ambicieve që ka klubi.
“Galtier më tha se mund t’i bashkohem PSG-së ose Bayernit. Por, zgjedhja ime i befasoi të gjithë për shkak se iu bashkova një klubi që nuk luan në Ligën e Kampionëve, por është klub me shumë ambicie, luan në Evropa Ligë, është kampionat evropian andaj qëllimi është të fitojmë. Trajneri është i mësuar më këtë garë, e ka fituar me Sevillan, vitin e kaluar ishin në finale. Qëllimi është të bëjmë më mirë, pra është ta fitojmë”, deklaroi ai.
Arsenali në ndeshjen e parë në Ligën e Evropës arriti të fitojë ndaj Eintracht Frankfurt (0-3), ndërsa këtë të enjte do të këtë punë me St.Liege.
Sot gjithashtu “Topçinjtë”, do të jenë mysafirë i rivalit, Manchester United në kuadër të javës së shtatë të Premier Ligës.
