Vetëm një ndeshje zhvillohet nesër në elitën e futbollit të Kosovës, tri të hënën dhe dy të martën e fillimjavës!
Nesër në orën 14.30 Llapi nga Podujeva para shikuesve të vet ndeshet me Ferizajn në kuadër të javës së nëntë! Kryetrajneri i Llapit, Tahir Batatina, kërkon mbështetjen e tifozëve “Legjenda” dhe të gjithë llapjanëve.
“Dua mbështetje maksimale nga ‘Legjendat’ dhe qytetarët e Llapit e të Gollakut. Ne luftojmë në fushë dhe jemi të vendosur t'iu bëjmë krenar, ndërsa ju duhet të na mbështetni në tribuna pasi që edhe në tribuna dua të jemi qyteti i futbollit.
Këtë e kemi dëshmuar me vite andaj dua spektakël në tribuna sepse ne jemi të vendosur t'iu bëjmë krenar sepse e meriton qyteti i Llapit. Nesër nga 14:30 në stadiumin ‘Zahir Pajaziti’ të gjithë për një dhe një për të gjithë”, tha Batatina.