Manchester United ka mohuar të gjitha zërat që kanë raportuar për kërkesat e larta të Paul Pogba ndaj skuadrës së tij.
Pogba thuhej se kërkonte një shifër shumë të madhe parash për të rinovuar kontratën me ‘Djajtë e kuq’.
Megjithatë, United kanë hedhur poshtë zërat se Pogba ka kërkuar një pagë prej 600 mijë funteve për javë, për kontratën e re, bën të ditur ‘Mirror’.
Kontrata aktuale e francezit në ‘Old Trafford’ skadon në vitin 2021, kurse emri i tij vazhdon të lidhet me Real Madrid dhe Juventus.
United kanë dëshirën që të mbajnë 26 vjeçarin në skuadër dhe besojnë se koha është në anën e tyre për arritjen e marrëveshjes për rinovimin.