Kylian Mbappe është tërhequr nga detyra e ekipit kombëtar të Francës për shkak të një dëmtimi, konfirmoi federata franceze.
Mbappe do të humbasë kualifikimet e radhës të skuadrës së tij në Euro 2020 kundër Islandës të premten dhe kundër Turqisë të hënën.
“Pasi foli me lojtarin, i cili po ndiqte një protokoll të rimëkëmbjes që nga e hëna, dhe Franck Le Gall, mjeku i ekipit francez, menaxheri i Francës Didier Deschamps vendosi të kthejë lojtarin në klubin e tij, Paris Saint-Germain”, lexohet një deklaratë nga federata franceze.
“Kylian Mbappe do të largohet nga Clairefontaine të mërkurën në mëngjes. Stafi i Kombëtares së Francës i dëshiron një rikthim të shpejtë Kylian”.
Sulmuesi i Borussia Monchengladbach, Alassane Plea është thirrur në vendin e Mbappe dhe pritet të raportojë në Clairefontaine gjatë ditës së sotme.
Kthimi i dëmtimit vazhdon periudhën e vështirë të sezonit për Mbappe, i cili tashmë ka humbur një muaj për shkak të lëndimit.
