Marco Giampaolo u shkarkua ditën e djeshme nga posti i trajnerit të Milanit, me kuqezinjtë që ditën e sotme zyrtarizuan edhe zëvendësuesin, i cili është Stefano Pioli.
Giampaolo u shkarkua së bashku me të gjithë stafin e tij, përveç njërit... Bëhet fjalë për një “legjendë” të Milanit, pikërisht Daniele Bonera.
Ky i fundit ishte afruar në stafin teknik në kohën që Giampaolo u emërua në krye të “Djallit”, por pavarësisht largimit të ish-trajnerit, Bonera do të vijojë të jetë pjesë e stafit teknik edhe me Stefano Piolin. Kujtojmë që Bonera ka qenë pjesë e Milanit për plot nëntë vite.
