Danimarka befason të gjithë, mposht Zvicrën me rezultat minimal 1:0, në ndeshjen që u zhvillua në stadiumin “Telia Parken” në Kopenhagë.
Futbollistët Granit Xhaka dhe Admir Mehmedi luajtën standardë por me Zvicrën të pafat që të kthehen me një pikë, duke pësuar në çastet e fundit.
Në minutën e 84-të, Yussuf Poulsen doli vetëm me portier dhe shënon për 1:0.
Xhaka në minutën e 16 ka gjuajtur furishëm nga 25 metra, por portieri Schmeichel ka bërë pothuajse të pamundurën ku me ndihmën e shtyllës e ka mbajtur portën të paprekur.
Zvicra pësoi humbje, por në fakt u ndje dukshëm mungesa e Xherdan Shaqirit për shkak të një lëndimit që ka.
Mehmedi luajti deri në minutën e 83-të.
Pas shtatë xhirove në grupin D të kualifikueseve për Kampionatin Evropian 2020, Republika e Irlandës kryeson me 12 pikë sa ka edhe Danimarka, por që kanë një ndeshje më shumë se Zvicra në pozitën e tretë me 8 sosh.
