Ylli i Interit Stefan de Vrij është i pakënaqur me mosaktivizimin e tij në kombëtaren holandeze, megjithëse ka shkëlqyer me zikaltrit.
Holandezi iu bashkua Interit nga Lazio në verën e 2018 dhe ka qenë një lojtar kyç këtë sezon nën drejtimin e Antonio Conte-s.
Megjithatë, te Holanda De Vrij ka qëndruar në stol katër ndeshjet e fundit, ndërsa pesë ndeshje më përpara ka qenë i dëmtuar. De Ligt dhe Van Dijk aktualisht janë dy qendërmbrojtësit e Tulipanëve.
Conte e sheh De Vrij si pjesë të paprekshme të projektit të tij dhe ka refuzuar kërkesën e Barcelonës për ta blerë qendërmbrojtësin gjatë merkatos së verës.
