Trajneri i kombëtares së Kosovës, Bernard Challandes është shumë i lumtur me paraqitjen e kombëtares së Kosovës.
Ai thotë se kombëtarja e Kosovës ishte fantastike sot dhe kjo i pëlqeu jashtëzakonisht shumë.
“Jam shumë i kënaqur me përformancën e skuadrës. Miksi mes mbrojtjes dhe presingut që kemi bërë në mesfushë më ka pëlqyer më së shumti dhe pastaj e kemi mbajtur topin mjaft mirë me pasime të shkurtra”, tha Challandes për SS.
“Nëse duhet të them urime, sonte duhet të themi urime”, përfundoi ai.
Kosova fitoi me rezultatin 2-0 ndaj Malit të Zi, me golat e Rrahmanit dhe Muriqit.
