U ndëshkua me karton të verdhë, a do të luajë Muriqi ndaj Çekisë?

Futboll

U ndëshkua me karton të verdhë, a do të luajë Muriqi ndaj Çekisë?

Më: 15 tetor 2019 Në ora: 10:25
Muriq

Në ndeshjen e mbrëmshme ndaj Malit të Zi, sulmuesi Vedat Muriqi u ndëshkua me karton të verdhë pas një konfrontimi fizik me Vladimir Jovoviç në fillim të ndeshjes.

Opinioni i Kosovës ishte në shok pasi ky ishte kartoni i dytë i sulmuesit shtatlartë në këto kualifikuese dhe u vu në dyshim se a do të jetë i suspenduar për ndeshjen ndaj Çekisë.

Megjithatë, rregullorja e UEFA-së qartëson gjithçka dhe 25-vjeçari do të jetë i gatshëm për ndeshjen vendimtare të muajit nëntor.

Sipas UEFA-së lojtari që merr tre kartona të verdhë pezullohet për një ndeshje në kualifikueset e Evropianit apo Botërorit.

Muriqi duhet të jetë mjaft i kujdesshëm në takimin në Pragë, pasi ndëshkimi i mundshëm atje, do bënte që ai të mos luante në ndeshjen finale ndaj Anglisë.

Ndryshe, ylli i Fenerbahces shënoi në fitoren 2-0 të Kosovës ndaj malazezëve mbrëmë.

commentFirst article
Sot mund të lexoni Shfletoni kopertinat