Një studim i marrë nga llogaritë financiare të Juventusit ka treguar shumën që ka paguar Milani për huazimin gjashtë mujor të Gonzalo Higuain.
Sulmuesi u transferua te kuqezinjtë për një huazim njëvjeçar në verën e 2018, por në janar shkoi te Chelsea.
Calcio e Finanza ka parë shifrat e publikuara të Juventusit dhe ka llogaritur se sa kanë kushtuar këto operacione të shkurtra me klubet e tjera.
Sajti zbuloi se Milani shpenzoi 10.28 milionë euro, pa llogaritur rrogën e argjentinasit teksa ai ka bërë 22 paraqitje duke shënuar tetë gola.
Po të llogaritësh edhe rrogën e lojtarit, e cila është rreth 9 milionë euro në vit, Milani i bie të ketë paguar edhe 4.5 milionë euro të tjera, pra 14.5 milionë euro për të.