Klubi i futbollit Llapi ka reaguar ashpër në lidhje me dënimin nga ana e Komisionit Disiplinor.
“Komisioni disiplinor dënon Llapin me dy ndeshje pa praninë e shikuesve. Përmes këtij njoftimi jemi të thirrur të sqarojmë për publikun llapjan dhe tifozerinë "Legjendat" se ndeshja e nesërme Llapi – Trepça '89 dhe ndeshja e ardhshme si vendas ndaj Drenicës do zhvillohen pa praninë e shikuesve, vendim ky që është marrë sot nga Komisioni disiplinor i FFK-së.
Bëjmë thirrje tek tifozët tanë, futbolldashësit dhe "Legjendat" të jenë të qetë ndaj këtij vendimi aspak të drejtë dhe të pabazë pasi që ky vendim është i tëri në dëm të klubit, ku pa asnjë fakt e dëshmi dënojnë klubin kinse për sulm të publikut ndaj futbollistëve kundërshtar.
Ndërsa FFK-së dhe Komisionit disiplinor përkatës publikisht iu themi se nëse munden, le të ia ndalojnë televizionet tifozëve, pasi ndeshja do jetë në transmetim të drejtpërdrejt në Supersport!”, thuhet nga Llapi.
