Flamurtari dhe Drenica janë ndarë baras pa gola në ndeshjen e zhvilluar në kryeqytet.
Drenica edhe pse dominoi ndeshjen me raste të shumta shënimi, nuk arriti të shënonte golin e vlefshëm për tre pikë.
Trajneri i Drenicës, Tahir Lushtaku pas ndeshjes u deklarua i pa kënaqur me paraqitjen e futbollistëve të tij në pjesën e dytë.
“Jam i kënaqur me pjesën e parë por aspak me të dytën. I kemi humbur gjithë ato raste në pesën e parë dhe them se në pjesën e dytë shpëtuam pa humbur. Kur t’i humbash gjithë ato raste mund edhe të dënohesh kështu që them se shpëtuam.
Asnjë trajner nuk mund të jetë i kënaqur me barazim kur i humb gjithë ato raste por futbolli e ka këtë”, ka thënë pas ndeshjes trajneri i Drenicës, Tahir Lushtaku.