Sipas shumë zërave, Lionel Messi është duke ngadalësuar karrierën e tij fenomenale.
Ylli argjentinas i futbollit nuk arriti të triumfonte me kombëtaren e tij në Kupën e Amerikës, duke bërë shumë njerëz të mendojnë se ai po shkon drejt fundit.
Javët e para të sezonit të ri, Messi nuk arriti të paraqitej me skuadrën e tij, për shkak të dy dëmtimeve që pësoi.
Por, Leo është kthyer për të gjetur rrugën e golit, dhe një gjë të tillë e bëri edhe sot në ndeshjen kundër Eibar.
Messi, pa fazë parasezonale, me 50% të përgatitjes së tij fizike, ka shënuar ose asistuar në çdo 78 minuta lojë (nga gjashtë ndeshjet në të cilat është paraqitur).
Gjeniu i vogël duket sikur nuk është duke ngadalësuar, të paktën jo edhe për pak kohë.
