Ish-sulmuesi i Arsenalit, Charlie Nicholas, ka thënë se mesfushori Mesut Ozil, nuk është stërvitur mjaftueshëm, andaj nuk po luan në formacionin e parë.
Ozil nuk është duke luajtur në fanellën e “Topçinjve”, për shkak se nuk është në formën e duhur.
I të njëjtit mendim është edhe Nicholas, i cili beson që arsyeja kryesore është se gjermani nuk po trajnohet mjaftueshëm.
“Emery e di që nuk po trajnohet shumë, kjo është arsyeja pse nuk është në formacionin e parë. Është akoma aty dhe mund të luaj në të ardhmen”, deklaroi ai.
Arsenali dje u mposhtë nga Sheffield United (0-1), në kuadër së javës së nëntë në kampionatin anglez.
