Mesfushori i Manchester United, Fred beson që do të këtë përmirësime.
Fred u transferua vitin e kaluar për 52.5 milionë në “Old Trafford”, por ende nuk ka gjetur formën e duhur.
Braziliani këtë sezon ka fituar besimin e Ole Gunnar Solskjaer dhe ka luajtur në ndeshjen e fundit ndaj Liverpoolit për 90 minuta.
“Sezoni i parë ishte i vështirë, kjo është normale kur e ndërron klubin. Liga e Ukrainës nuk ishte aq e fuqishme në krahasim me Premier Ligën. Është më shpejtë këtu. Duhet të fillosh ndeshjen fortë dhe ta përfundosh fortë. Besoj që jam duke u adaptuar. Jam duke mësuar ditë pas dite. E pëlqej Manchesterin. Flasin gjuhën angleze, andaj po mësoj nga pak anglisht”, deklaroi ai.
United gjatë këtij sezoni është në vendin e 14-të me 10 pikë, 15 me pak se lideri Liverpool që nuk di për humbje në kampionatin anglez.
