Trajneri i Liverpool, Jurgen Klopp ka komentuar deklaratat e trajnerit të Manchester Cityt, Pep Guardiola se Sadio Mane simulon shpesh në zonë.
Guardiola tha për senelegazin: “Ndonjëherë ai simulon, ndonjëherë ai ka këtë talent të shënojë gola të pabesueshëm në minutën e fundit”.
Klopp para ndeshjes me Manchester Cityn, ka komentuar edhe deklaratat e Pep Guardiolas, ku tha se nuk beson se një gjë e tillë ndodhë.
“Unë nuk jam 100 përqind i sigurt nëse ai foli për Sadio apo ne në përgjithësi. Unë nuk e dëgjova emrin e Sadios. Unë mund të them që Sadio nuk simulon. Kishte një situatë në ndeshjen Aston Villa ku ai kishte kontakt dhe u rrëzua. Ndoshta nuk ishte një penallti por ka pasur kontakte, nuk është sikur kërceu mbi këmbën e kundërshtarit dhe u rrëzua”, theksoi Klopp.
