Ismet Munishi ka folur pas ndeshjes së Ballkanit me Llapin, ku skuadrat u ndanë baras 1:1.Munishi pas ndeshjes dukej i kënaqur me barazimin teksa tha se ky ndoshta ka qenë edhe epilogu real.
“Ka qenë epilogu real. Ishte ndeshje e tempos shumë të lartë, Llapi na ka vënë në vështirësi sidomos në kundërsulme”, tha Munishi për Supersport Kosova. “Ne kemi tentuar me çdo kusht ta shënojmë golin e barazimit, e arritëm më pas kishim raste të tjera, por edhe Llapi kishte rastet e veta”, vlerësoi Munishi.
“Ka qenë një ndeshje që i ka dhënë emocion shikuesve, atyre në bankë dhe atyre që shikuan nga televizionet. Tek e fundit ky është qëllimi i futbollit”, theksoi trajneri i Ballkanit.
“Duhet ta përgëzojmë Llapin, bëri ndeshje të mirë sidomos në pjesë të parë. Llapi është skuadër e fortë, shumë e paprështatshme.
Te Llapi shkëlqeu Valmir Veliu”, shtoi ai.Tutje, trajneri i ekipit nga Suhareka tha se gabimet ekipit të tij i falen, për shkak se futbollistët janë shumë të ri në moshë.
“Meqë jemi ekip i ri, sot u falen gabimet mirëpo në të ardhmen duhet të përmirësohen”, potencoi Munishi.Ballkani tani kryeson me 30 pikë si lider i Superligës pas 14 xhirove, teksa Drita pas fitores ndaj Dukagjinit, është ngjitur në pozitën e dytë me 27 pikë.