Mircea Lucescu, ish-trajner dhe një vlerësues i mirë i talenteve, e njeh shumë mirë Douglas Costan-n, heroi i Juventus-it në transfertën e vështirë në Moskë.
"Kur kam parë golin kundër Lokomotiv-ës, më ka dalë natyrshëm një 'ohhhhh!'. Më thërret baba që nga koha e Shakhtar Donetsk. Ka realizuar një gol shumë të bukur në Champions, por ka cilësitë e duhura për të shënuar gola të tillë në çdo ndeshje", ka thënë Lucescu për Tuttosport.
"Kini besim tek unë që e njoh shumë mirë. E kam marrë në Europë nga Brazili kur ishte vetëm 20 vjeç dhe e kam parë shpesh të dhurojë magji të tilla. Douglas Costa nuk ka asgjë për t'i pasur zili Mbappe-së me cilësitë që ka. Ka fytyrën e një fëmije, por është një kampion".
"Juventus ka sulmin më të fortë i Champions-it? Mendoj se po! Nuk po flasim vetëm për sulmues të mëdhenj, por janë edhe lojtarë që plotësojnë njër -tjetrin. Sarri ka një sulm të shkëlqyer".
