Liverpooli i madh gjunjëzon me rezultat 3:1 kampionin në fuqi, Manchester Cityn, në derbin e madh të Premier League.
Trajneri Jurgen Kloop doli më i suksesshëm se homologu i tij Pep Guardiola. Lojë e madhe e Liverpoolit në përballje me kampionin në fuqi dhe një fitore shumë e vlefshme në luftë për titullin e kampionit.
Kampioni në fuqi i Evropës bëri lojë shumë të mirë, me veprime të rrjedhshme dhe secili gol ishte më i bukur se tjetri, sidomos ai i pari që e realizoi futbollisti Fabinho. Në minutën e 6-të, kur menduan mbrojtësit e Cityt se shmangën rrezikun, topi shkon deri te Fabinho i cili nga rreth 25 metra godet furishëm dhe topi përplaset në këndin e djathtë të portierit Bravo, 1:0. Një veprim i shpejt dhe shkollor, Robertson nga një distancë rreth 30 metra harkoi për bukuri dhe Mohamed Salah shënon me kokë për 2:0.
Në pjesën e dytë përkatësisht në minutën e 51-t, pothuajse nga rivënia e këndit Henderson harkoi për bukuri dhe Sadio Mane reagoi edhe më mirë, me kokë thellon epërsinë, 3:0.
Manchester City kërkonte me ngulm golin dhe ia doli në minutën e 78-të. Pas një presionit të madh, brenda 16-shit gjendet Bernardo Silva i cili godet me të parën nga rreth 14 metra dhe topi futet në këndin e majtë të portierit Alisson, 3:1.
Liverpooli fitoi tri pikë të mëdha, tri pikë të shkëputjes nga kundërshtarët tjerë. Pas 12 javëve Liverpooli kryeson me 34 pikë apo me një seri fantastike, 11 fitore e 1 barazim, pa humbje, ka plus 8 pikë më shumë se Leicester City dhe Chelsea që renditen në vend të dytë përkatësisht të tretë, kurse Manchester City është në pozitën e katërt me 25 sosh.
Liga e Anglisë
Liverpool-Manchester City 3:1 (2:0)
Manchester Utd-Brighton 3:1 (2:0)
Wolves-Aston Villa 2:1 (1:0)
Newcastle-Bournemouth 2:1 (1:1)
Leicester-Arsenal 2:0 (0:0)
Burnley-West Ham 3:0 (2:0)
Southampton-Everton 1:2 (0:1)
Tottenham-Sheffield Utd 1:1 (0:0)
Chelsea-Crystal Palace 2:0 (0:0)
Norwich-Watford 0:2 (0:1)
Tabela
1. Liverpool 12 11 1 0 34
2. Leicester 12 8 2 2 26
3. Chelsea 12 8 2 2 26
4. Manchester City 12 8 1 3 25
5. Sheffield Utd 12 4 5 3 17
6. Arsenal 12 4 5 3 17
7. Manchester Utd 12 4 4 4 16
8. Wolves 12 3 7 2 16
9. Bournemouth 12 4 4 4 16
10. Burnley 12 4 3 5 15
11. Brighton 12 4 3 5 15
12. Crystal Palace 12 4 3 5 15
13. Newcastle 12 4 3 5 15
14. Tottenham 12 3 5 4 14
15. Everton 12 4 2 6 14
16. West Ham 12 3 4 5 13
17. Aston Villa 12 3 2 7 11
18. Watford 12 1 5 6 8
19. Southampton 12 2 2 8 8
20. Norwich 12 2 1 9 7
