Kombëtarja e Francës ka mbërritur në Shqipëri, para ndeshjes me kuqezinjtë.
Kampionët e Botës kanë arritur në Aeroportin e Rinasit, ku janë nisur drejt hotelit ku do të akomodohen.
Shqipëria do të presë Francën në stadiumin e ri Arena Kombëtare të dielën në orën 20:45, për ndeshjen e fundit të vlefshme të grupeve kualifikuese për Kampionatin Evropian 2020.
Kjo do të jetë ndeshja e parë që Shqipëria e zhvillon në Arenën Kombëtare, stadiumin më modern të ndërtuar në Ballkan.
Gjatë ditës, trajneri i Francës, Didier Deschamps do të mbajë konferencë për shtyp, e po ashtu ekipi i tij do të stërvitet në Arenën Kombëtare.
