Kosova do ta zhvillojë sonte ndeshjen e saj të fundit në kuadër të kualifikimeve të Kampionatit Evropian, shkruan zeri.info
Verdhekaltrit do ta presin Anglinë në “Fadil Vokrri”, derisa ndeshja fillon prej orës 18:00.
Ndërkohë, në ndeshjen e parë mes tyre në Southampton takimi ishte mbyllur me 8 gola të shënuara, derisa Anglia triumfoi me shifrat 5:3.
Kosova humbi shanset për kualifikim përmes kësaj kampanje pas humbjes nga Çekia të enjten, por sidoqoftë do të shpresojë që kualifikimin në Evropian ta sigurojë në vitin e ardhshëm përmes Ligës së Kombeve.
