Besim Hasani flet për Lojërat Olimpike Tokyo 2020 - Bota Sot
Besim Hasani flet për Lojërat Olimpike Tokyo 2020

Futboll

Besim Hasani flet për Lojërat Olimpike Tokyo 2020

Më: 17 nëntor 2019 Në ora: 12:04
Besim Hasani

Presidenti i Komitetit Olimpik të Kosovës (KOK), Besim Hasani, në një prononcim për KosovaPress, ka dhënë mendimin e tij për 19 sportistët e zgjedhur për Lojërat Olimpike Tokyo 2020.

Në qershor të vitit 2017, KOK iu ka dhënë bursë 19 sportistëve të zgjedhur, të cilët do të mundohen të tregojnë nivelin e tyre në Lojërat Olimpike Tokyo 2020

Për këtë gjë presidenti i KOK, Besim Hasani tha se të gjithë sportistët që kanë arritur normën vijnë nga xhudoja por presin edhe disa të tjerë nga karateja dhe boksi.

Hasani: Të gjithë pjesëmarrësit  vijnë nga xhudoja, presim nga karate dhe boks

“19 sportistë janë sportistë të Komitetit Olimpik të Kosovës, sportistët më të mirë në një periudhë të caktuar kohore në mënyrë që ata në vijim t’i tregojnë rezultate të cilat i qojnë drejt fitimit të normës olimpike, respektivisht përmirësimit të përformancës se tyre në vijim. Deri më tash i kemi 19 sportistë, pesë norma olimpike, të gjitha vijnë nga xhudoja dhe presim që të kemi diçka edhe nga karatë dhe boksi, por mund të na befasojë edhe ndonjë sport tjetër”, deklaroi ai.

Ndërkohë Hasani tha se të gjithë sportistët që luajnë, kanë gjasa për t’u rikthyer në ‘shtëpi’ me medalje.

Hasani: Nga të gjitha ata që kanë arritur normën olimpike kanë gjasa për të fituar medalje

“Ata që realisht e arrin normën olimpike nënkupton që janë në mesin e 14-18 me të mirëve në botë që me një fitore hynë në mesin e tetëve, ndërsa fitorja tjetër i afron te medalja dhe nga të gjithë kemi pritshmëri që nëse janë në normë olimpike gjasat i kanë reale për të fituar medalje, por konkurrenca është e jashtëzakonshme në tërë botën”, vazhdoi ai.

Në fund presidenti i KOK-ut, foli edhe për disiplinat e reja që kanë mundësi për të fituar pjesëmarrjen në lojërat olimpike.

Hasani: Në lojëra udhëtojnë vetëm ata që arrijnë normën olimpike

Video

“Realisht në lojërat olimpike udhëtojnë vetëm ata që arrijnë normën olimpike dhe janë disa të cilët janë afër normave olimpike, kështu që nuk e dimë nga këto sporte dhe disiplinat e reja, sidoqoftë ne inkurajomë që ata të punojnë sa më shumë që është e mundur, në mënyrë që ose të arrijnë normën olimpike ose të ftohen për pjesëmarrje”, përfundoi ai.

19 sportistët e zgjedhur janë:

Majlinda Kelmendi (xhudo) -1000 dollarë në muaj

Nora Gjakova(xhudo) -700 dollarë në muaj

Herolind Nishevci (karate) -600 dollarë

Distria Krasniqi(xhudo) -500 dollarë

Donjeta Sadiku(boks) -500 dollarë

Orges Arifi(karate) -350 dollarë

Alvin Karaqi (karate) -350 dollarë

Akil Gjakova(xhudo) -350 dollarë

Loriana Kuka(xhudo) -250 dollarë

Musa Hajdari (atletikë) -250 dollarë

Astrit Kryeziu (atletikë) -250 dollarë

Vijona Kryeziu (atletikë) -250 dollarë

Urata Rama(shenjëtari) - 250 dollarë

Dasar Xhambazi(not) -250 dollarë

Flaka Pruthi->Fjorda Shabani (not)-250 dollarë

Atdhe Luzhnica(shigjetari) -250 dollarë

Edon Shala(mundje)-250 dollarë

Fortesa Orana(karate)-250 dollarë

Drilon Ibrahimi(shenjëtari) -250 dollarë.

Shfaq komentet
comments powered by Disqus
Sot mund të lexoni Shfletoni kopertinat