Për mikpritjen në Kosovë që iu bë ndaj mysafirëve anglezë mori vesh pothuajse tërë Evropa.
Mediet e shumta prestigjioze evropiane kanë shkruar për pritjen që Kosova ia bëri Anglisë në Prishtinë.
Mediumi serb, Telegraf.rs, ka raportuar për ndeshjen e sotme Kosovë-Angli.
Aty shkruhet se shqiptarët i pritën në mënyrë të veçantë mysafirët anglezë që nga arritja në aeroportin e Prishtinës deri në zbarkimin në “Fadil Vokrri”.
“Para ndeshjes, shqiptarët e Kosovës bënë një pritje të veçantë për mysafirët nga Anglia, që nga momenti kur zbarkuan në Aeroportin e Prishtinës, dhe e njëjta atmosferë u përcoll në stendat e Stadiumit Fadil Vokrri”, thuhet në portalin serb.
Ajo çka shihet është që mediumi në fjalë vazhdon të mos e pranojë Republikën e Kosovës dhe vazhdimisht i referohet si “e ashtuquajtura Kosovë”.