Harry Redknapp nuk pret që Arsenali dhe Manchester United të përfundojnë në top-katërshe të Premierligës në këtë sezon.
Arsenal dhe United humbën kualifikimet në Ligën e Kampionëve pasi u renditen në pozitën e pestë përkatësisht gjashtë në sezonin e kaluar dhe këtë edicion nuk e kanë nisur mirë.
Topçinjtë aktualisht janë në vendin e gjashtë me tetë pike më pak se City që mban pozitën e katërt, ndërsa ‘Djajtë e Kuq’ janë një pikë mbrapa, përcjell lajmi.net.
“Tottenham i ka të gjitha këto që të futen në katër vendet e para këtë vit”, i tha ai The Sun.
“E vetmja gjë në favor të tyre është që Arsenali duket kaq i dobët. Chelsea po luan shkëlqyeshëm, ata do të jenë sfidues. Leicester do të jetë në formë atje”.
“Por ju po shikoni Arsenalin – dhe Manchester United – dhe po pyesni nëse do ta arrijnë atë këtë vit. Unë mund t’i shoh të dyja ekipet që nuk do mund ta arrijnë top-katërshin nëse nuk ka ndonjë përmirësim të madh”, u shpreh ai.
