Gjermania do të luajë mbrëmjen e sotme ndeshjen e fundit të kualifikueseve për Euro 2020, por pjesëmarrja në komepticionin e verës së ardhshme është siguruar më parë.
Gjithsesi, trajneri Joachim Low, ka dashur të saktësojë disa gjëra në lidhje me skuadrën e tij dhe me rivalët. "Besoj se mund të jemi të kënaqur këtë vit", ka thënë ai.
"Por ka kombëtare të tjera që janë para nesh: Anglia, Spanja, Franca, Italia dhe Belgjika. Këto përfaqësuese kanë qenë të detyruara të ndryshojnë në të kaluarën, sepse, siç ka ndodhur edhe me Anglinë, janë eliminuar para kohe në turnetë e fundit".
"Këto ekipe kanë lojtarë që luajnë bashkë prej tre ose katër vitesh, si Belgjika. Ne do të japim maksimumin në Europian, por nuk jemi mes favoritëve", ka përfunduar Low.
