Pas shkarkimit të Niko Kovac, Bayern ia ka besuar skuadrën Hansi Flick-ut, i cili do të ulet në stolin e bavarezëve të paktën deri në dhjetor. Tekniku e ka shprehur gëzimin e tij në faqen zyrtare të klubit.
"Ndihem shumë i lumtur për mbështetjen e tifozëve, ashtu si për besimin e drejtuesve. Dy ndeshjet që kam bërë kanë qenë shumë pozitive, duke marrë parasysh edhe faktin se nuk ishim në një situatë të lehtë", ka thënë Flick.
"Çfarë zgjedh mes një futbolli sulmues dhe një futbolli mbrojtës? Duhet gjetur ekuilibri i duhur. Nuk duhet të anashkalojmë kurrë asnjërin nga dy aspektet".