Barcelona dhe Real Madrid janë duke “luftuar” për sulmuesin e Arsenalit, Pierre-Emerick Aubameyang.
Aubameyang që prej kohës kur u transferua në “Emirates” ka qenë ylli i skuadrës, derisa sezonin e kaluar ka shënuar 31 gola ndërsa këtë sezon ka shënuar nëntë.
Kontrata e sulmuesit me prejardhje nga Gaboni përfundon në fund të sezonit të ardhshëm.
Mirëpo, nëse “topçinjtë” dështojnë të kualifikohen në Ligën e Kampionëve, atëherë lojtari pritet të largohet.
Më herët Aubameyang ka qenë i lidhur me një kalim në Kinë, por dëshira e tij është të vazhdojë të qëndrojë në Evropë.