Nuk ka dhuruar fitues sfida interesante e ‘St.James Park’ mes Newcastle United dhe Manchester City, që kanë barazuar 2:2 në ndeshjen hapëse të xhiros së 14-të të Premierligës.
Raheem Sterling në minutën e 22’ kaloi Cityn në epërsi 0:1.
Vendësit u përgjigjën menjëherë, kur 25 vjeçari Jetro Willems, shënoi për 1:1.
Pjesa e dytë solli edhe dy gola të tjerë, nga një për të dy skuadrat.Kevin De Bruyne me një goditje të fortë dhe saktë, realizoi për 1:2 në minutën e 82’, duke rikthyer epërsinë e kampionëve të Premierligës.
Por, Jonjo Shelvey nuk lejoi humbjen e Newcastle, duke barazuar për 2:2.
