Atletico Madrid i shpëtoi ndëshkimit të madh – pasi tifozët bënë thirrje kërcënuese kundër ish-lojtarit, Antoine Griezmann gjatë ndeshjes së fundjavës së kaluar në ligën spanjolle kundër Barcelonës.
Liga Spanjolle kishte denoncuar klubin pasi disa tifozë kënduan ‘Vdekje për Griezmannin’ në ndeshjen e së dielës, të fituar nga Barcelona në Wanda Metropolitano në Madrid.
Megjithatë, Komiteti i Federatës Spanjolle do të analizojë sërish koret ndaj Griezmannit. Klubi mund të gjobitet nëse shpallet fajtor.
Ndërkohë, Federata Spanjolle e Futbollit tha se do ta gjobiste Atleticon me 301 euro sepse loja ishte ndërprerë, por nuk citoi thirrjet kundër Griezmann.
Gjoba u shqiptua kryesisht sepse tifozët hodhën sende në fushë.
Barcelona fitoi 1-0 me një gol të minutës së 86-të nga Lionel Messi.