Atletico Madrid nuk u ndahet barazimeve

Futboll

Atletico Madrid nuk u ndahet barazimeve

Më: 6 dhjetor 2019 Në ora: 23:32
Diego Simeone

Atletico Madrid nuk u ndahet barazimeve, teksa të shtatin për këtë sezon në La Liga e ka regjistruar mbrëmjen e sotme në transfertën ndaj Villarealit.

Skuadra e Diego Simeones vinte pas humbjes minimale 0-1 në shtëpi ndaj Barcelonës dhe sot pritej rikthimi te suksesi, që do t’i mbante pranë kreut, por nuk ia dolën të shënojnë.

Sfida ishte e hapur, me sulme e kundërsulme nga të dy skuadrat, por ndonëse pati raste të shumta, vetëm një pjesë e vogël e tyre u konkretizuan me gjuajtje në kuadrat.

Me këtë pikë Atletico e Madridit ngjitet në kuotën e 26 pikëve, por rrezikon t’i shohë kryesueset plot 8 pikë para, nëse Reali e Barca fitojnë nesër, ndërsa Simeone duhet të zgjidhë problemet në sulm, pasi ekipi ka shënuar vetëm 16 gola në po kaq ndeshje të këtij sezoni.

commentFirst article
Sot mund të lexoni Shfletoni kopertinat