Ashtu siç pritej, ashtu edhe ndodhi.
Carlo Ancelotti nuk është më trajner i Napolit.
Kështu ka njoftuar para pak çastesh faqja zyrtare e UEFA-së në rrjetin social “Twitter”. Ish-trajneri i Milanit, Real Madridit, PSG-së dhe Chelseat i kishte ditët e numëruara në “San Paolo”, pas rezultateve katastrofale të ekipit në Serie A, duke e pozicionuar nënkampionin aktual italian në pozitën e shtatë dhe larg garës për titull.
Mediat italiane para ndeshjes me Genkun e kishin paralajmëruar në një formë shkarkimin e tij, pavarësisht rezultatit ndaj ekipit belg, ku Napoli triumfoi 4-0.
