Pedro ëndërron kthimin në Barcelonë, thotë se “është e mundshme” - Bota Sot
Pedro ëndërron kthimin në Barcelonë, thotë se “është e mundshme”

Futboll

Pedro ëndërron kthimin në Barcelonë, thotë se “është e mundshme”

Më: 12 dhjetor 2019 Në ora: 18:34
Pedro Rodrigues

Pedro ëndërron ta veshë edhe njëherë fanellën e Barcelonës. Nga viti 2007 deri më 2016, Pedro e ka bërë 321 paraqitje për katalunasit, ka shënuar 99 gola, ka dhuruar shumë asistime derisa ka fituar trofe të shumtë…

Pedro Rodriguez është në vitin e fundit të kontratës me Chelsean.

32-vjeçari nuk po gjen hapësira në formacionin e Frank Lampard dhe largimi nga “Stamford Bridge” është opsioni më i mirë për 32-vjeçarin.

Madje, Goal raporton se Pedro mund të largohet që në afatin kalimtar të janarit dhe të mos e presë skadimin e kontratës në qershor të vitit 2020.

Sido që të jetë, ai i ka dërguar sinjale Barçës se do të dëshironte edhe njëherë ta veshi fanellën e klubit me të cilin për shumë vite shkroi histori.

“Të gjithë e dinë atë se çfarë ndjej për atë klub, kështu që kthimi atje është i mundshëm. Gjithmonë e kam thënë këtë”, u shpreh Pedro.

“Është klub për të cilin kam dashuri të veçantë. Kam pasur eksperienca të shumta atje për shumë vite, ndihem i dashur për tifozët”, shtoi ai.

“Gjithmonë është një opsion (kthimi) dhe shpresoj që mund të ndodhë. Nuk e di nëse është në duar të presidentit, trajnerit apo kujtdo qoftë. Mendoj për ta rikthimi im është i vështirë, por qartë është mundësi”.

Pedro e ka veshur fanellën e Barcelonës në 321 ndeshje, ka shënuar 99 gola, ka dhuruar shumë asistime derisa ka fituar trofe të shumtë nga viti 2007 deri në vitin 2016.

Shfaq komentet
comments powered by Disqus
Sot mund të lexoni Shfletoni kopertinat