Sulmuesi veteran i Juventusit, Mario Madzukic, ka katër destinacione të mundshme gjatë afatit kalimtar të janarit.
Kroati është i lidhur me një largim nga Torino, tash e një kohë të gjatë, pasi që humbi vendin e titullarit që nga ardhja e trajnerit të ri Maurizo Sarrit në verë.
Ka pasur shumë raportime të ndryshme nga mediat botërore, që Mandzukic do të transferohet në Premier Ligë, tek skuadra e Manchester United por një gjë e tillë nuk ka ndodhur deri më tani.
Por sipas raportimeve të fundit, të SkySport, ish sulmuesi i Bayern Munich mund të vazhdojë të ardhmen në Super Ligën kineze, ose në MLS, ose të qëndrojë në Serie A, tek Milan.
Manduzkic është pjesë e klubit torinez, që nga vera e vitit 2015, ku u transferua nga Atletico Madridi, për një shumë rreth 23 milionë euro.