Sandhauseni si vendas barazoi me rezultat 1:1 në përballje me Hamburger SV, në kuadër të javës së 17-të të Bundesliga II.
Pikë e madhe për Sandhausenin e mbrojtësit Leart Paçarada dhe mesfushorit Besar Halimi. Mbrojtësi i kombëtares së Kosovës, Paçarada, me Halimin patën përballë një ekip të fortë dhe që synon rikthimin në Bundesliga I.
Djali i ish portierit të gjeneratës së artë të Prishtinës, Shukriut, Learti me aq saktësi harkoi nga korneri dhe Aleksandr Zhirov me kokë shënon për epërsinë 1:0 pikërisht në minutën e 39-të.
Paçarada u rikthye në formacioni pasi që javën e kaluar mungoi për shkak të kartonëve të verdhë.
Ai luajti tërë takimin, dha kontribut të madh së bashku me Halimin (u ndëshkua me karton të verdhë në minutën e 60'), ky i fundit u zëvendësua në minutën e 67-të. Në minutën e 75-të mysafirët barazuan, duke shfrytëzuar një gabim të një lojtarit të vendasve në mesfushë dhe Hinterseer me një goditje të fortë e përtokë e mposhti portierin Fraisl, 1:1.
Hamburger SV është në vend të dytë me 30 pikë, ka katër me pak se lideri Arminia dhe Sandhausen renditet në pozitën e nëntë me 23 pikë të mbledhura.